थारे झांझ नगारा बाजे रे बाज रे, सालासर के मंदिर में हनुमान बिराजे रे। हनुमान बिराजे रे बठ बजरंग बिराजे रे ।।टेर ।। |
भारत राजस्थान में जी सालासर एक धाम, सुरज सामो बन्यो देवरो, महिमा अपरम्पार। थारे लाल ध्वजा पहरावे रे, सालासर……..।। |
नारेलारी गिनती नही बाबा, सुर्वण छत्र अपार, दुर देश से दर्शन करने, आवे सब नर नार। थारे जात जडुल्या लागे रे, सालासर……..।। |
चैत सुदी पुनम को मेलो, भीड़ लगे अतिभारी, नर नारी थारा दर्शन करने, आवे बारी-बारी। बाबो अटक्या काज संवारे रे, सालासर…….।। |
रामदूत अंजनी के सुत का, धरो हमेशा ध्यान, चैनसिहं चरणां को चाकर, लाज रखो हनुमान। बाबो बेड़ा पार लगावे रे, सालासर……..।। |